ဒါပေမဲ့ အညိုကလည်း လူမမာ တစ်ယောက်ပုံလို ဘယ်တော့မှ မနေ…အမြဲတမ်း လန်းဆန်း တက်ကြွနေသည်…မိမိ နွမ်းနေလျှင် မိမိ လူမမာပုံပေါက်နေလျှင် မိမိ လူနာတွေကို ဘယ်လို အားပေးရမလဲ..ထို့ ကြောင့် အတတ်နိုင်ဆုံး အညို ကျန်းမာအောင်နေသည်… တစ်ပတ် အတွင်းပင် အညို ပြန်လည် လန်းဆန်းလာပြီး အရင်အတိုင်း ပုံမှန် ပြန်ဖြစ်လာသည်…
“ အညိုရေ…မောင် နောက် တစ်ပတ်ထဲမှာ အိမ်ခဏ ပြန်ဦးမယ်…အမေလည်း သိပ်နေမကောင်းဘူးတဲ့..” “ ဟုတ်လား..အညိုရော လိုက်ရမလားဟင်..” “ မလိုက်ပါနဲ့ ဦး အညိုရယ်..အညိုက နေလည်း သိပ်ကောင်းသေးတာ မဟုတ်ဘူး.. ပြီးတော့ မောင်တို့ နှစ်ယောက်လုံး ခွင့်ယူလို့ မဖြစ်ဘူးလေ..” အညိုရဲ့ မျက်နှာငယ်ငယ်လေးတွေ့ တော့ သက်မင်းမောင် ရင်ထဲ မကောင်းမိ…အညိုက သက်မင်းမောင် ဘာပြောပြော စောဒက မတက်… နားလည်ပေးသည်..ထို့ ကြောင့် အညို့ ကို တိုး၍ တိုး၍သာ သူချစ်မိသည်…အညိုရယ် တစ်နေ့ တော့ အညို့ ကို မောင့်မိဘတွေဆီ ခေါ်မှာပါ…မောင့်ရဲ့ အရိပ်မည်းတွေ ရှင်းလင်းပြီးတဲ့ တစ်နေ့ ပေါ့..အခုတော့ အညိုလေးကို မညစ်နွမ်းစေချင်တဲ့ ဆန္ဒနဲ့ ပါ…
“ အညိုရေ မောင် မနက်ဖြန် ဂျုတီပြီးတာနဲ့ ကားဂိတ်ဆင်းတော့မယ်နော်…အညိုက နေ့ လည် ဂျူတီဆိုတော့ မောင့်မိန်းမလေးကို သေသေချာချာ မနှုတ်ဆက်နိုင်မှာ စိုးလို့ ပါ..” မောင်က အညို့ ခါးလေးကို ဖက်ရင်း ဆိုတော့..အညို အလိုလို ၀မ်းနည်းလာသည်…“ မောင်ရယ် သိပ်အကြာကြီး မနေနဲ့ နော်…အညို မောင့်ကို သတိယနေမှာ..”..သြော်…အညိုရယ်…တစ်ခုခုဆို ထိခိုက် ခံစားလွယ်တဲ့ အညို အခုလည်း မျက်ရည်တွေ ကျနေပြန်ပြီ…ဒီလောက် ဖြူစင်ပြီး သနားစရာကောင်းတဲ့ အညို့ ကို မောင်လည်း အကြာကြီး မခွဲနိုင်ပါဘူး..သက်မင်းမောင် ရင်ထဲနင့်သွားသည်…“ စိတ်ချပါ အညိုရယ်..မောင်လည်း သိပ်မကြာပါဘူး..တစ်ပတ် ဆယ်ရက်လောက်ပါ..အညို့ ဆီကို အမြန်ဆုံးပြန်လာမယ်နော်..” တကယ်တော့ သက်မင်းမောင် ဟိုမှာ ဒီလောက် မနေချင်ပါ… အမေ့ ကျန်းမာရေး အကြောင်းပြကာ သူ့ ရဲ့ ရှင်းစရာ ဇာတ်လမ်းတွေကို ဒီတစ်ခေါက် အပြီး ရှင်းချင်တဲ့ စိတ်ကြောင့်သာ သူ ပြန်ရမှာ…
ညက အညို တော်တော်နှင့် အိပ်မပျော်၍ မိုးလင်းခါနီးမှသာ အိပ်ပျော်သွားသည်…မနက်ကျတော့ အညိုမနိုးသေး…သက်မင်းမောင်လည်း ဆေးရုံက ဂျုတီပြီးသည်နှင့် ကားဂိတ် တစ်ခါတည်း ဆင်းရမည်မို့  အ၀တ်အစားထုတ်တွေ ယူကာ ထွက်လာခဲ့သည်… စိတ်ထဲမှာတော့ လုပ်ရမည့် အစီစဉ်တွေကို အကွက်ချနေမိသည်…
အညို မောင့်ကို နှုတ်မဆက်လိုက်ရ၍ စိတ်ထဲမကောင်း…ကိုယ့်ကိုကိုယ်လည်း ဒေါသ ဖြစ်မိသည်…ညက အရင်ရက်တွေက ပင်ပန်းထားသည့် အရှိန်နှင့် တစ်ရေးမှ မနိုး… အညိုနိုးတော့ ၁၁နာရီပင် ခွဲတော့မည်…မျက်နှာသစ်ပြီး စားသောက်ဖို့ ပြင်ဆင်ကာ အစားကို စားသည်ဆိုရုံမျှ စားကာ ဆေးရုံ သွားတော့မည်ဟု ဆုံးဖြတ်လိုက်ကာ ရေမိုးချိုးသည်..ဟိုရောက်၍ အညိုကံကောင်းလျှင် မောင်နှင့် ဆုံနိုင်သေးသည်…ထို အတွေးနှင့် ခပ်သွက်သွက်ပင် ထွက်လာခဲ့သည်… ဒီနေ့ ဘယ်လိုဖြစ်သည် မသိ…အညို စိတ်တွေလေးနေသည်… ခေါင်းထဲတွင်လည်း မူးနောက်နောက်…
ဆေးရုံရောက်တော့ မောင်က သွားနှင့်ပြီတဲ့…အညိုလည်း စိတ်ပျက်လက်ပျက်နှင့် ၀ပ်ထဲ ၀င်ကာ အလုပ်စလိုက်တော့သည်…စောနေသေးသည် မှန်သော်လည်း လူက အားနေလျှင် မောင့်ကို ပို၍ သတိယလိမ့်မည်… ၀ပ်ထဲက အထွက် လူက ဘယ်လို ဖြစ်သွားသည် မသိ…မိုက်ခနဲ…အနားမှ မသီတာ အဖြတ်နှင့်တိုး၍ လှမ်းဆွဲလို့ သာ အညို ကြမ်းပေါ် မရောက်ချင်းပါ… “ အညို ဘယ်လိုဖြစ်တာလဲ…လာ လာ ” မသီတာက နားနေခန်းထဲ တွဲခေါ်လာသည်…ခဏနေတော့ အညို ပျို့ ပျို့ တက်လာသည်…ဘယ်လိုမှ မနေနိုင်… အရမ်းအန်ချင်လာ၍ မသီတာက လက်ဆေးကန်တွင်ပင် အညို့ ကို နောက်မှ နှိပ်ပေးသည်…
“ အညို …အစ်မတော့ သိပ်မသင်္ကာဘူး..လာ စစ်ကြည့်ရအောင်..” ဟုဆိုကာ စမ်းသပ်မှုတွေ ပြုလုပ်နေသည်…အညိုလည်း ကိုယ့်ကိုကိုယ် သိနေသည်… ဆရာဝန် တစ်ယောက်လုပ်နေတာပဲလေ… ဒီလောက်တော့ ရိပ်မိသည်..သို့ သော် ကြိုတင် ပြင်ဆင်ထားတာ မရှိ…မောင်ကလည်း ခရီး ထွက်သွားသည်နှင့် တိုက်ဆိုင်စွာပင်…အညို့ တွင် ကိုယ်ဝန် ရှိနေပြီဆိုတာ သိသည်… တွေးရင်း ဘာကို အားငယ်မှန်း မသိ အားငယ်လာသည်…လူတစ်ကိုယ်လုံး အင်အားတွေ ကုန်ခမ်းသွားသလို နုံးဖတ်လာသည်… “ အညို့ မှာ ကိုယ်ဝန် ရှိနေပြီ…ဒါပေမဲ့ အညို့ ကျန်းမာရေး အခြေနေက အစ်မတော့ သိပ်အားမရဘူး…ဘာလို့ ကြိုကြိုတင်တင် မကာကွယ် ထားတာလဲ အညိုရယ်…အညို့ အတွက် အစ်မ စိုးရိမ်တယ်..” မသီတာက ကိုယ့် အစ်မရင်းလို ဖြစ်နေလို့ စေတနာ စကား ဆိုသည်… “ အညိုလည်း ခါတိုင်းလိုပဲ…ပေါ့ပေါ့ဆဆ နေမိတယ် အစ်မရယ်.. အခုလို ဖြစ်လာမှတော့ ဘာတတ်နိုင်မှာလဲ…အညိုတို့ က ဆရာဝန်ဆိုတော့ လူ့ အသက်တစ်ချောင်းကို တန်ဖိုးထားရမှာပဲပေါ့ အစ်မရယ်…”… မသီတာက သက်ပြင်းမောကြီးချကာ အညို့ ကို သနားတဲ့ မျက်ဝန်းတွေနှင့်ကြည့်ကာ “ အေးလေ…ဖြစ်လာမှတော့ အညို့ ကိုသာ ကျန်းမာရေး ကောင်းအောင် လုပ်ပေးရုံပဲ ရှိတာပေါ့..ဒါပေမဲ့ ဘာမှ စိတ်အား မငယ်ပါနဲ့ အညိုရယ်..စိုးရိမ်စရာလည်း မရှိပါဘူး…သက်မင်းမောင် မရှိပေမဲ့ အစ်မတို့ တွေ ရှိနေတာပဲ..သူ့ ကိုရော ဘယ်တော့ အကြောင်းကြားမလဲ…” “ ညကျရင် မောင် ဖုန်းဆက်လိမ့်မယ်..အဲ့ဒီခါကျမှပဲ အသိပေးလိုက်တော့မယ်.. အခုတော့ အညို နားချင်တယ် အစ်မရယ်..” “ ဒါဆို အညို အိမ်ပြန်လိုက်လေ..ဒီကအတွက် ဘာမှ ပူမနေနဲ့ နော်..”…အညိုလည်း စိတ်တွေ လေးလံ နေတာမို့ အိမ်မှာပင် ပြန်နားလိုက်သည်…
အညို ခဏမှေးခနဲ အိပ်ပျော်သွားသည်…နိုးတာနှင့် အိမ်ရှေ့ မှာ ခဏ ထွက်ထိုင်နေတုန်း..စာပို့ သမားတစ်ယောက် အိမ်ရှေ့ လာရပ်သည်မို့ အညို့ အတွက် တော်တော် ထူးဆန်းနေသည်… “ ဒေါက်တာ သက်မင်းမောင်ရှိလား..” “ သြော်…သူ မရှိပါဘူး… ခရီး သွားပါတယ်..ကျွန်မ သူ့ အမျိုးသမီးပါ… ဘာကိစ္စရှိလို့ လဲ…” အညိုလည်း တစ်ခါမှ စာတွေဘာတွေ မလာဖူး၍ စိတ်ဝင်စားနေသည်…“ အော်..ဟုတ်ကဲ့…ဒေါက်တာ သက်မင်းမောင် အတွက် စာပါ…အစ်မလေး လက်မှတ်ထိုးယူထားလို့ ရပါတယ်…” ဆို၍ အညို လက်မှတ်ထိုးပေးလိုက်သည်…စာပို့ သမား ထွက်သွားသွားချင်း အညို စူးစမ်းလိုစိတ်ကို မအောင့်အီးနိုင်..မောင့်စာဆို၍ ပိုလို့ ပင် အံ့သြမိသည်…မောင့်ဆီကို ဘယ်တုန်းကမှ စာမပြောနှင့် ဖုန်းတောင် မလာဖူးပေ….မောင်လာမှ ပေးမည်ဟု စဉ်းစားမိသော်လည်း စာအိတ်ပေါ်မှ လက်ရေးက အမျိုးသမီး တစ်ယောက်ရဲ့ လက်ရေးဟု ထင်မိသည်…စာအိတ်လေးက နည်းနည်းမာသည်…အထဲတွင် တစ်ခုတော့ တစ်ခုပဲ… စိတ်လှုပ်ရှားလွန်း၍ ရင်ခုန်နှုန်းတွေ မြန်နေသည်… သိချင်ဇောတွေ ထိန်းမနိုင်တော့တာကြောင့် စာအိတ်လေးကို ဖွင့်လိုက်မိသည်….
(မှတ်ချက်။ စာဖတ်သူတွေ မျက်စိတွေ ညောင်းမှာ စိုးလို့ အပိုင်းထပ်ခွဲဖို့ ဆုံးဖြတ်လိုက်ပါတယ်...ဆက်ရန်လေးကို ထပ်မျှော်မယ်လို့ မျှော်လင့်ပါတယ်...:P)
8 comments:
ညီမလေးရေ... ဆက်ရန်လေး မျှော်နေမယ်နော် ...
စာထဲမှာ ပါတာအရင်ကြိုပြောလို့ ရမလားခင်ဗျာ :)))) စောင့်မျှော်နေပါတယ် ဝဋ်ဆိုတာ ချက်ချင်း ကိုလည်တော့တာ ဟီးဟီး .....
ခင်မင်လျှက်
ရန်ကုန်သား :)
အမလေး အခုမှဝဋ်ဆိုတာ လည်တာ သိပြီလား ရန်ကုန်သားရဲ့ဟွင်းးး
အယ် ဇာတ်ရှိန်ရောက်နေကာမှ ဆက်ရေးလေ ဘာမျက်စိညောင်းတာတုံး ဘာမှမညောင်းဘူး ဆက်ရေးနော် ဘိုင် တာ့တာ
ဝဋ်လည်တဲ့ ဆိုတဲ့ သဘောလားနော်။ နောက်ဆက်တွဲလေး လာဖတ်ချင်ပြီ။
ဝဋ် ... မျှော်နေတယ်ဗျို့...
အာ.... ဆက်ဦးမှာလားဟင်။
မြန်မြန်နော်။
မကာရံရေ... သူလည်း မျှော်တလင့်လင့်စာရေးသူတွေထဲမှာ ထိပ်ဆုံးနားက ပါနေပြီ..
နောက်တစ်ပိုင်းကို စိတ်မရှည်စွာနဲ့ စောင့်နေမယ်ဗျ..
yu ya
မြန်မြန်ဆက်နော် ဟဲဟဲ
Post a Comment